जीवन सूख्यो जाय

umeshshuklaairo

• 231 Posts
• 54 Comments

मन मोरे अन्दर पीर बसत है

बाहर मुख मुस्काए

सब जन को यहु भरम देत है

जीवन उत्तम जाए

दिवस होत ही जाग जात है

अंखियन जो पतियाय

दिन भर तो श्रम ताप सहत है

क्षुधा अगिन बुझि पाय

जीवन हर पल कटत जात है

मन संतोष नहिं पाय

मेरो तेरो सब करत फिरत है

धुन भीतर की सुनो न जाय

सुनि भीतर की धुनी ये मनवा

भीतर ही धुधुआय

कैसे कहूँ पीर मोरे दिल जो

करूँ कौन उपाय

बहुत भयो यहु झूठो जीवन

अब तो रहो नहिं जाय

अगिन लालसा मोहे फूँकत है

दाह सहो नहिं जाय

मोहें लाग्यो थो कम होवत है

जस समझ बढ़त जो जाय

पुन ताप तुम्हरो घट्यो नहीं

जीवन सूख्यो जाय